JavaScript är inaktiverat i webbläsaren, läs mer här.

Valittaa korkeamalle

Hallinto-oikeutheen sie saatat valittaa päätöksistä jokka esimerkiksi Siukkakassa, Verolaitos, Migrasjuunilaitos eli kunnan sosiaalipalvelu oon tehny. Jos et ole tytyväinen hallinto-oikeuen tuomihoon, saatat valittaa siittä kirjalisesti kamarioikeutheen.

Hallinto-oikeuen tuomiosta saattaa lukea minkä ajan sisälä ja mihinkä kamarioikeutheen valitus tehhään.

Valituksheen kirjotat mistä päätöksestä valitat ja mitenkä halvaat ette kamarioikeus muuttaa sitä. Jos asia vaatii erikoisluan (prövningstillstånd) sinun häätyy kirjottaa miksi sie meinaat ette kamarioikeuen pitäs myöntää lupa. Sinun pitäs kans kirjottaa net asiat jokka meinaat ette kamarioikeus häätyy tietää ja ottaa huomihoon. Hallinto-oikeuen tuomiosta saatat lukea enämpi mitä sinun pittää tehhä.

Mihin mie lähätän valituksen?

Sinun pittää aina lähättää valitus siihen hallinto-oikeutheen joka oon ilmottannu tuo­mion. Hallinto-oikeus päättää sitte onko valitus tullu oikealla aikaa, ja jos oon, niin se lähätethään kamarioikeutheen.

Kuinka kauon mulla oon aikaa valittaa?

Ota nuukasti selvää siittä kauonko sulla oon aikaa valittamisheen (sen näkkee tuomiosta). Monesti se aika joka jällaa oon kolme viikkoa siittä ko sait tuomion. Mutta esimerkiksi veroasioissa valitusaika oon ussein kaks kuukautta.

Lailinen tuomio

Jos kumpikhaan osapuolista ei valita tuomiosta, siittä tullee lailinen. Se tarkottaa ette korkeampi tuomioistuin ei ennää saata muuttaa sitä, ja tuomio saatethaan totheuttaa.

 




Senast ändrad: 2010-03-08