JavaScript är inaktiverat i webbläsaren, läs mer här.

Ášši mearriduvvo hálddahusrievttis

Hálddahusriekti sádde váidalusat ovttas iežá áššebáhpiriin vuostebeallái. Vuostebealli oažžu dábálaččat muhtin áiggi vástidit áššis.

Vástádus galgá leat čálalaččat jos riekti ii leat mearridan vástádus oažžu guđđot njálmmálaš ráđđehallamis. Dát lea dábálaš áššiin sierra mállet bákkošfuolain. Vástádusas galgá vuostebealli čilget oainnus, jos son miehtá dahje gieldá áššiid mat gáibiduvvojit ohcamušas dahje jos son dohkkeha dahje vuosttilda sierra doaibmabiju. Vuoste-bealli galgá maid čilget ákkastallamiid su ipmárdussii ja makkár duođaštusaid son háleda buktit ovdan.

Go vástádus lea ilbman de duopmostuollu sádde dan dutnje gii leat váidalan; sáhtát oainnuidat čilget vástádussii dahje oažžut dan dušše diehtun. Dát gulaskuddan joatká dassážii ášši lea bures guorahallon ja válmmas mearridit. Duopmostuolus lea válde ovddasvástádus vuđolaččat ášši guorahallat. Danin sáhttá hálddahusriekti muhtimin sihtat lasihemiid guorahallamii dahje gohččut áššeoasálaččaid vuosehit duođaštusaid maidda čujuhit. Hálddahusriekti maid sáhttá dieđuid ja cealkámušaid sihtat iežá eiseválddiin.




Senast ändrad: 2010-03-08