JavaScript är inaktiverat i webbläsaren, läs mer här.

Diggerievtti duopmu

Mii árgabeaivvis daddjo gearretdoallun, gohčoduvvo duopmostuolus válderáđđehallamin. Go duopmu celkojuvvo rihkkunáššis de váldo vuhtii dušše dat mii lea bukton ovdan válderáđđehallamiin.

Gearretdoalu maŋŋil duopmárat árvvoštallet dan mii lea boahtán ovdan ja mearridit got galget dubmet. Dalle oažžu dušše son leat mielde gii lea čállán beavdegirjji gearretdoalu oktavuođas.  Ráđđádallama maŋŋil muitala rievtti sátnejođiheaddji oanehaččat sisdoalu duomus (cealká duomu) ja čilge got son gii lea duhtameahttun duomuin sáhttá váidalit áššis..
Muhtimin ii celkojuvvo duopmu gearretdoalus muhto dieđihuvvo maŋŋil. Rievtti sátnejođiheaddji muitala dalle makkár beaivvi ja áiggi dat boahtá dieđihuvvot. Dan beaivvi sáhttá mannat diggerievttis ja lohkat duomu dahje riŋget dohko ja oažžut dieđuid dan birra.
Diggeriekti sádde kopiija duomus áššeoasálaččaide seamma beaivvi go dieđihuvvo, dahje maŋemusat vahku maŋŋil jos duopmu lea dieđihuvvon gearretdoalu oktavuođas.

Makkár sisdoallu lea duomus?

Duomus álu lohká:

  • makkár diggeriekti lea dubmen
  • duomu cealkinbeaivi ja gos lea dieđihuvvon
  • geat leat leamas áššis áššeoasálaččat; alaguoddi, áššáskuhtton olmmoš (son gii lea sivahallon rihkkumušas) ja áššeoamasteaddjit (son gii lea gierdan rihkkumušas). Maiddai advokáhtat ja almmolaš bealušteaddji namahuvvojit.
  • duopmocealkámuš, čilgehus got diggeriekti lea dubmen (geahča dás vuollil)
  • mii áššis lea gáibiduvvon (geahča dás vuollil)
  • ákkastallamat duopmocealkámuššii (duopmoákkat) ja maid diggeriekti lea ipmirdan lea duođaštuvvon áššis (geahča dás vuollil)
  • got sáhttá váidalit ja goas dan ferte maŋemusat dahkat



Senast ändrad: 2009-11-27

Maid duopmu mearkkaša?

Jos leat jearaldagat duomu birra, goaktat dan duopmostuolu mii lea dubmen.
Don gii dubmehallot soames ráŋggáštussii ja háliidat diehtit maid dat mearkkaša sáhtát goaktadit du bealušteaddji dahje diggerievtti.

Láhkafámolaš

Jos ii goabbáge áššeoasálaččain váidal duomu golmma vahkus de duopmu ii sáhte rievdaduvvot bajit dási duopmostuolus. Dat gohčoduvvo ahte duopmu lea láhkafámolaš ja mearkkaša ahte dat sáhttá čađahit.